Miljoenêr van harte (EBOEK)

Robyn en haar vriendin moet vir ’n week in ’n vyfsterhotel tuisgaan op die hoteleienaar se koste. Dis ook net reg want hulle huurhuis, wat ook aan sy familie behoort, word opgeknap. Nie dat Robyn veel erg het aan die luuksheid waarvan sy meteens omring is nie. Sy is ’n verpleegsuster, ’n gewone meisie wat in eenvoudige dinge haar plesier vind. Dis net ietwat ontstellend dat die hoteleienaar haar hart op loop sit. En des te erger dat hy blykbaar al sy potensiële trouvroue in hierdie hotel bymekaar het om ’n keuse te maak. Die vermetelheid! Wel, dis te sê as haar inligting korrek is. Want hy maak net te veel op haar tyd aanspraak ...