Eggo's van die hart (EBOEK)

Jane Roos skilder soos wat sy lewe: Volkleur en groter as lewensgroot. Sy glo vas haar lewenspad sal nog met dié van haar droomman kruis, sy moet net geduldig wees. Intussen maak twee mans hul opwagting op die dorp: JJ Richter, haar nuwe buurman, is ’n stil, ernstige oorlogskorrespondent. Kobus van Rensburg, aan die ander kant, is ’n flambojante spanningsverhaalskrywer wat Jane se lewensvreugde deel. Wie gaan die helderkleurige skildery van Jane se lewe voltooi? Die skrywer met die huppel in sy stap en ’n onblusbare lewenslus of haar knorrige buurman met al sy emosionele bagasie en daardie veraf kyk in sy oë?