Nog een keer (EBOEK)

Toe haar ma in die hospitaal beland, moet Ginnie inderhaas met die bestuur van die gastehuis gaan help. Lambert, haar broer se beste vriend, kom loer in. Sy het hom jare laas gesien en hulle het nog nooit goed klaargekom nie. Hy was sy lewe lank nog altyd so selfversekerd, half arrogant eintlik. En hy het haar altyd geterg. Ou vaal meisietjie, het hy haar genoem. Verbeel jou! Waarom ontstem hy haar dan so? Hy en die pragtige blonde Claudia wat aan hom hang … Ginnie kom gou agter die seun wat sy jare gelede geken het, is weg. Lambert is ’n man wat weet wat hy wil hê.