LAPA is ’n akroniem vir Lees Afrikaans, Praat Afrikaans. Ons publiseer hoofsaaklik Afrikaanse boeke, maar gee sommige titels ook in Engels uit. 

Bekostigbare boeke vir elke ouderdomsgroep en smaak is LAPA se doelwit. Ons weet dis belangrik dat kinders boeke in hul moedertaal lees, daarom bied ons ʼn keur van eietydse, opwindende kinder- en jeugverhale.

Lekker stories is die voorvereiste vir LAPA se fiksie. Daar is spanning en moord, liefdesverhale en algemene fiksie. Die Romanza-klub verskaf oorspronklike Suid-Afrikaanse romanses teen sakpaspryse.

Die niefiksie-afdeling dek 'n wye verskeidenheid onderwerpe, van kosmaak en handwerk tot spinnekoppe en misdadigers, en alles tussenin.

Ons lesers is vir ons belangrik, daarom is ons standaarde hoog. Die redakteurs doen baie moeite met die ontwikkeling van skrywers en manuskripte. Dit is nie maklik om ’n LAPA-skrywer te word nie, maar diegene wat wel by ons publiseer, weet dat kopers LAPA as ’n betroubare handelsmerk sien. Ons skrywers het nie verniet al tientalle pryse gewen nie.

LAPA kom van ver af. Voor die Tweede Wêreldoorlog al het wyle Johannes Petrus van der Walt ʼn publikasieprogram, Springbok-Biblioteek, begin onder die vaandel van die destydse Unie-Boekhandel. Deur die Oorlog het Springbok-Biblioteek voortgegaan met hulle bedrywighede, hoewel die rantsoenering van papier verhoed het dat die maatskappy groei.

In 1958 het J.P. van der Walt se seun, Manie, as besturende direkteur aangesluit. In 1961 is die maatskappy herdoop na J.P. van der Walt en Seun (Edms.) Bpk. Dié naam sou vir baie jare sinoniem wees met klubboeke.

In Oktober 1996 het die ATKV die maatskappy gekoop. Die naam van die maatskappy is daarna verander na LAPA – ’n boekehuis waarbinne lesers geborge kan voel.

LAPA weet dat die meeste lesers steeds ’n boek in die hand verkies, maar ons stories is ook in e-formaat beskikbaar. Vir die jonger geslag is daar ook opwindende apps.

Bly op hoogte van al die opwinding deur op ons nuusbrief in te teken.

Bestel jou boeke per foon by tel. (012) 401 0700, per e-pos (webbestellings@lapa.co.za) of hier op ons webblad. Registreer nou.

LAPA se boeke is ook by die meeste toonaangewende boekhandelaars in die land beskikbaar.

OOR LAPA

LAPA is ’n akroniem vir Lees Afrikaans, Praat Afrikaans. 


Ons publiseer hoofsaaklik Afrikaanse boeke, maar gee sommige titels ook in Engels uit.


Bekostigbare boeke vir elke ouderdomsgroep en smaak is LAPA se doelwit.

 

Lees verder...

KONTAK ONS

WINKELURE:
 08:00 – 16:00 (Maandae tot Vrydae)

PRETORIA: 
Bosmanstraat 380, Pretoria
 012 401 0700
 086 720 1583
 lapa@lapa.co.za

 

Lees verder...